வணக்கம்!

தமிழில் கிடைத்துள்ள முதல் இலக்கண நூலான தொல்காப்பியத்தின் சிறப்பினைத் தமிழ் மக்கள் அனைவரும் உணரும்வகையில் செயலாற்றுவதை நோக்கமாகக் கொண்டு உலகத் தொல்காப்பிய மன்றம் தோற்றம்பெற்றுள்ளது. பிரான்சு நாட்டின் தலைநகராம் பாரிசில் 27.09.2015 ஆம் நாளில் தமிழறிஞர்கள் ஒன்றுகூடி இம்மன்றத்தைத் தொடங்கினர். 04.06.2016 இல் கனடாவில் உலகத் தொல்காப்பிய மன்றத்தின் கிளை தொடங்கப்பட்டது. தமிழகத்தில் புதுச்சேரி, திருச்சிராப்பள்ளி, திருவண்ணாமலை, குளித்தலை உள்ளிட்ட பல ஊர்களில் இந்த மன்றம் சிறப்பாகச் செயல்படுகின்றது.

உலகத் தொல்காப்பிய மன்றத்தின் மலேசியக் கிளை 23.12.2017 இல் சிலாங்கூர் மாநிலம் பந்திங் நகரில் தொடங்கப்பட்டது. மேலும் சப்பான் நாட்டின் தலைநகர் தோக்கியோவில் 03.02.2018 இல் உலகத் தொல்காப்பிய மன்றத்தின் சப்பான் கிளை தொடங்கப்பட்டது. உலகின் பல பகுதிகளில் இம்மன்றத்தின் கிளைகளைத் தொடங்குவதற்கும் எண்ணியுள்ளோம்.

தமிழ் மொழியின் சிறப்பினையும், தமிழர்களின் பண்பாட்டுச் சிறப்பினையும் சற்றொப்ப மூவாயிரம் ஆண்டுகளாக அரணிட்டுக் காத்துநிற்கும் தொல்காப்பியத்தைப் பரப்புவதற்கு முன்வருமாறு உலகத் தமிழர்களை அன்புடன் வேண்டுகின்றோம்.

தொடர்புக்கு:
மு. இளங்கோவன் muelangovan@tholkappiyam.org
நா. க. நிதி kanithi@tholkappiyam.org

காணொளி